Обврските на возачот на транспортното средство се пропишани со чл. 13, став 1 и став 2 од ЗДП:
- Да соработува со контролните органи и да им обезбедува информација;
- На органот за приходи да му покаже документ за идентификација;
- На органот за приходи да му ги поднеси документите што ја придружуваат стоката;
- Пред органот за приходи да ги пријави податоците за видот и количината на стоката, за испраќачот и примателот, за местото и датумот на примање на стоката, како и да даде информација за очекуваниот час на примање/истовар, во случај ако недостигаат документи или ако документите не ги содржат тие податоци;
- Да го извести лицето што е наведено како примател/купувач или испраќач/продавач на стоката, за извршената фискална контрола врз движењето на стоката и за поставените технички средства за контрола и за обврската на примателот/купувачот да присуствува на местото на примање/истовар на стоката;
- Да ја сочува целината и да не ги оштетува техничките средства за контрола што се поставени од органот за приходи;
- Да ја достави превезуваната стока на местото на примање/истовар што е внесено во техничките средства за контрола;
- Да ја достави превезуваната стока на местото, низ кое транспортното средство треба да ја напушти територијата на државата, во случаите на транзитно преминување низ територијата на Република Бугарија;
- Да присуствува во моментот на отстранување на техничките средства за контрола од транспортното средство, од страна на органот за приходи.
Недостаток на документи
Кога ќе недостасуваат документи што ја придружуваат стоката или кога истите не ги содржат погоре опишаните податоци, и/или податоци за очекуваниот час на примање/истовар, возачот на транспортното средство пополнува образец од декларацијата.
Важно! При изјавување на очекуваниот час на примање се користи бугарската временска зона.
Промена на датум, час и место на примање/истовар на стоката
Датумот и местото на примање/истовар на стоката, како и изјавениот час на примање/истовар кои се наведени во документацијата или се пријавени, можат да бидат променети од примателот/купувачот со поднесување на образец на барање по електронски пат. Барањето се испраќа на адреса [email protected] и се смета за примено по потврдување на неговото примање.
Поставување на технички средства за контрола /ТСК/
Кога ќе се превезува стока со висок фиксален ризик со транспортното средство, органите за приходите имаат право да постават ТСК врз транспортното средство и печат/штембил со натпис „висок фискален ризик“ врз превозниот документ. Секое ТСК поседува уникатен број.
За поставените ТСК се составува записник, а еден примерок од истиот му се дава на возачот на транспортното средство и на лицето што ја придружува стоката.
Отстранување на поставени ТСК
ТСК се отстранува само од орган за приходите:
- На местото на примање/истовар на стоката;
- Не покасно од 4 часа од пријавениот од возачот час, а при поднесено известување за промена на датум, час и место на примање/истовар од страна на примател/купувач на стоката, отстранувањето се врши не покасно од 24 часа од поднесувањето на барањето;
Возачот сноси административна прекршочна одговорност за неисполнување на обврските, во следните случаи:
- При неисполнување на обврска според чл. 13, став 2 - одговорност според чл. 278б, став 1 од ЗДП;
При неисполнување на обврска според чл. 13, став 1 – одговорност според чл. 273 от ЗДП. Утврдувањето на административни прекршоци и одредувањето административни казни се извршува во согласност со Законот за административни прекршоци и казни (ЗАНН).