Фискална контрола врз движењето на високо ризични стоки
Една од основните дејности на НАП е извршување на даночна и осигурителна контрола и примена на мерки за спречување на даночни и осигурителни измами, вкучувајќи и во однос на трговијата со стоки и услуги во рамките на заедницата. Нејзината најнова дејност во оваа сфера /од јануари 2014 г./ е извршуваната непрекината фискална контрола врз движењето на стоки со висок фискален ризик во фискални контролни пунктови и во трговски објекти. Таа има за цел да ја зголеми наплатата и да ги заштити финансиските интереси на РБ и ЕУ преку ограничување на измамите со ДДВ кај стоки со висок фискален ризик /вообичаено брзопрометни стоки како овошје, зеленчук, месо, млеко, шеќер и др./, како и ограничување на нелојалната конкуренција во трговијата со тие стоки, следејќи го нивното движење.
За даночни цели, фискалната контрола е комбинација од физичка контрола и контрола на документи. Во текот на контролата се извршуваат:
- Проверка на трговска документација /воглавно која ги придружува стоките во текот на нивниот превоз/, со која се утврдува како нивниот квалитет, така и законитоста и валидноста на зделките и стопанските операции;
- Физички проверки со кои се утврдуваат реалното движење и примателите/купувачите на стоката.
Се применува за сите стоки со висок фискален ризик, независно од местото на примање/истовар: територијата на државата, во друга држава – членка на Европската унија или во трета држава. Не се применува за стоки под царински режим.
Каде се извршува?
Фискалната контрола се извршува во фискални контролни пунктови и во местата на примање/истовар на стоки со висок фискален ризик.
Како?
Таа започнува со:
- Запирање на транспортно средство кое превезува стока на територијата на Бугарија, во фискален контролен пункт;
- Проверка дали превезуваната стока е со фисок фискален ризик;
- Проверка на придружната документација на стоката, во однос на видот и количината на стоката;
- Идентификација на добавувачот/продавачот и/или примателот/купувачот на стоката, како и
- Идентификација на местото/местата за примање/истовар.
Кога ќе се утврди превоз на стока која е вклучена во списокот со стоки со висок фискален ризик, органот за приходи има право да постави технички средства за контрола на транспортното средство (вообичаено пломба, специјална пломба со GPS уред, налепница и др.) и печат/штембил со натпис „висок фискален ризик“ врз превезуваниот документ.
Техничкото средство за контрола се отстранува од друг орган за приходи во местото на примање/истовар или кога стоката ќе ја напушти територијата на Бугарија.
Важно е да знаете:
- Во текот на фискалната контрола може да се примени претходна достава на гаранција;
- Со фискална контрола не се утврдуваат задолженија за даноци /не е ревизија/, но можат да се утврдат факти и околности од значење за задолженијата за даноци;
- За секоја активност во текот на фискалната контрола се составува записник.
Кои се задолжените лица?
- Возачите на транспортни средства, кои превезуваат стоки;
- Лицата што ја придружуваат стоката / ако има такви;
- Примателите/купувачите на стоки со висок фискален ризик
Какви видови на фискална контрола има?
- Фискална контрола при купување на стоки со висок фискален ризик внатре во заедницата
- Фискална контрола при достава на стоки со висок фискален ризик внатре во заедницата
- Фискална контрола врз стоки со висок фискален ризик, кои преминуваат низ територијата на Р Бугарија од една држава - членка на Европската унија, во друга држава членка
- Фискална контрола врз движењето на стоки со висок фискален ризик во внатрешноста на државата